Mullah: ang unang Iranian na dalubhasa sa anekdota

Mullah: ang unang Iranian na dalubhasa sa anekdota 

MGA ANEKDOTA MULA SA IRANIAN NI M. SAADAT NOURY

PAGKILALA SA MAY-AKDA

  

     Si Manouchehr Saadat Noury (MSN) ay isang Iranian na ipinanganak noong 1939 sa Tehran. Siya ay isang makata at mamamahayag. Isinulat niya ito upang ipaalam sa mga mambabasa ang mga unang anekdota na naisulat sa Iran ni Mullah Nassr-e Din o kilalang MND. Ito rin ay nagbibigay ng ilang halimbawa ng anekdotang naisulat ni MND. 

URI NG PANITIKAN

    Ang uri ng panitikan ay ANEKDOTA mula sa Iran. Ang mga anekdotang isnulat ni MND kabilang na ang “Sukatin Mo!” at “Sino ang Iyong Paniniwalaan” ay tuluyang uri ng panitikan na naghahatid ng kakatwang o kawiliwiling pangyayaring naganap sa buhay ng tao.Tumatalakay sa particular na paksa na karaniwan ito mula sa personalna karanasan at kinapapalooban ng iba’t ibang emosyon tulad ng kasiyahan, kalungkutan, pagkahiya, pagtataka, o pagkabigo.

LAYUNIN NG AKDA

   •Layunin nitong magbahagi ng kaniyang sariling karanasan na nakapagbibigay ng kasiyahan sa mambabasa.

   •Ang akda ay may layong magbigay ng aral na may kasamang katatawanan ukol sa isang magandang karanasan. 

PAGLALAPAT NG

TEORYANG PAMPANITIKAN

•Sikolohikal- Inilalahad nito ang tunay na pag-uugali o kung paano mag-isip ang tauhan

•Bayograpikal-  Ibinahagi sa buhay ng may-akda na siya niyang pinakamasaya, pinakamahirap, pinakamalungkot at lahat ng mga “pinaka” na inaasahang magsilbing katuwang ng mambabasa sa kanyang karanasan sa mundo.

TEMA O PAKSA NG AKDA

  Ito ay tungkol sa pagbahagi ng mahahalagang pangyayari sa buhay na may layong magbigay ng katatawanan.

MGA TAUHAN/ KARAKTER SA AKDA

  Ang pangunahing tauhan ay si Mullah Nassr-e Din (MND). Itinuturing din siya na simbolo ng alamat at inilalarawan siya bilang isang mito. Siya rin and taga kwento sa akda. 

    Mullah ay isang muslim na bihasa sa banal na batas at teolohiya ng islam.

TAGPUAN O PANAHON

"Sukatin Mo!" 

Ito ay naganap sa isang teahouse kung saan dito nag usap ang dalawang tauhan na si MND at isang di kilalang tauhan.

"Sino ang iyong paniniwalaan" 

Ito ay naganap sa tarangkahan ng bakuran ni MND kung saan nag usap si MND at ang kaniyang kapitbahay.

NILALAMAN O BALANGKAS NG

MGA PANGYAYARI

   Ito ay tungkol sa mga mahahalagang karanasan ni MND kung paano nagging tanyag ang kanyang mga isnulat at kung paano ito na-impluwensiya sa mga mambabasa lalo na sa mga Iranian. Ang kaniyang mga anekdota ay nagpapakita ng payak at simpleng pamumubahay sa Iran.

MGA KAISIPAN O IDEYANG

 TAGLAY NG AKDA

   Ang kaisipang taglay nito ay praktikal. Ito ay nagpapakita ng kalokohan ngunit pinapangatawanan sa huli. 

ESTILO NG PAGKAKASULAT

 NG AKDA

   Ang estilo nito ay ang pagpapakila sa katauhan at sa dulo namaý kanyang mga ginawa na naka impluwensiya sa ibang tao. Ginagamit nito ang tunay na karanasan ng isang katauhan at nilalagyan ng kalokohan upang makapagbigay ng katatawanan.

BUOD

•Si Mullah Nassreddin o Mullah Nassr-e Din ay kinilala rin sa daglat na "MND" ay isang taga pag-kuwento ng mga katatawanan ng Iranian.

•Sinasabing naka pagsulat siya ng libo-libong nakakatawa at pag iisipang mga kwento.

•Ngunit inaangkin ng ibang bansa ang kanyang pagkaka mamamayan.

• Itinuturing siyang Iranian ng mga dalubhasa sa pagsusulat ng mga anekdota.

•Ang ilan naman ay itinuturing siya bilang simbolo ng alamat at inilalarawan siya bilang isang mito.

•Ang mga kwento ni MND ay binubuo ng isa sa mga di pang-karaniwang pagkilala sa kasaysayan ng metapisika.

•Naririnig ang kanyang mga kwento sa programa, radyo, at mga palabas sa telebisyon sa iba't ibang bansa sa daigdig.

•Ilan sa kaniyang mga isinulat ay “Sukatin Mo!” at “Sino ang Iyong Paniniwalaan?”